Տոկիո-2020-ում Ուկրաինայի առաջին չեմպիոն, պատգամավոր Բելենյուկը մտադիր է կենտրոնանալ քաղաքականության վրա
22:50 4 օգոստոսի, 2021Տոկիոյի Օլիմպիական խաղերում Ուկրաինայի առաջին ոսկե մեդալը նվաճած հունահռոմեական ոճի ըմբիշ Ժան Բելենյուկը խոսել է իր առաջիկա ծրագրերի մասին։ Բելենյուկը Ուկրաինայի խորհրդարանի պատգամավոր է իշխող ուժից։
«Առայժմ չեմ մտածում 2024թ. Փարիզի Օլիմպիական խաղերի մասին։ Դեռ պետք է հանգստանալ։ Ես ամբողջովին կենտրոնացած կլինեմ քաղաքական գործունեության վրա, իսկ Փարիզի մասին կմտածեմ ավելի ուշ»,- Բելենյուկի խոսքը մեջբերում է Sport.ua-ն։
30–ամյա Բելենյուկը ծնվել է Կիեւում, նրա հայրը եղել է Ռուանդայից, զոհվել է այդ երկրում տեղի ունեցած քաղաքացիական պատերազմի ժամանակ, մայրը ուկրաինացի է։
Հիշեցնենք, որ 87 կգ քաշային կարգի եզրափակիչում Բելենյուկը մրցել է Եվրոպայի չեմպիոն, աշխարհի փոխչեմպիոն, հունգարացի Վիկտոր Լորինցի հետ եւ առավելության հասել 5։1 հաշվով։ Բելենյուկը նաեւ 2016թ. Ռիոյի Օլիմպիական խաղերի փոխչեմպիոն է։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։