Խորեն Բայրամյանն ու «Ռոստովի» ֆուտբոլիստները հրաժեշտ են տվել Վալերի Կարպինին (ֆոտո)

11:40   4 օգոստոսի, 2021

«Ռոստովի» ֆուտբոլիստները հրաժեշտ են տվել թիմի գլխավոր մարզիչի պաշտոնից հեռացած Վալերի Կարպինին։ Խաղացողները Կարպինին նվիրել են նրա լուսանկարով տորթ, որը ռուս մասնագետին հանձնել է Հայաստանի հավաքականի կիսապաշտպան Խորեն Բայրամյանը:

2017թ․ դեկտեմբերից «Ռոստովը» գլխավորող Վալերի Կարպինը կարիերան կշարունակի Ռուսաստանի ազգային հավաքականում, որի գլխավոր մարզիչի պաշտոնում նա փոխարինել է Ստանիսլավ Չերչեսովին:

Հիշեցնենք, որ Ռուսաստանի հավաքականի գլխավոր մարզիչի պաշտոնը թափուր էր հուլիսի 9-ից։ Եվրո-2020-ի եզրափակիչ մրցաշարի խմբային փուլի արգելքը չհաղթահարելուց հետո Ստանիսլավ Չերչեսովը հեռացվել էր պաշտոնից։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։