Լեւոն Աղասյանը՝ Տոկիոյից․ Այնքան եմ համառություն անելու, մինչեւ չեմպիոն դառնամ
11:08 3 օգոստոսի, 2021Օլիմպիական մրցելույթում ինձ պակասեց ցատկի զգացողությունը: Հաջորդ անգամ կստացվի, կանգ չենք առնում:
Այսպես իր օլիմպիական մրցելույթը NEWS.am Sport-ի թղթակցի հետ զրույցում Տոկիոյից մեկնաբանեց Հայաստանի առաջատար եռացատկորդ Լեւոն Աղասյանը:
32-րդ ամառային Օլիմպիական խաղերի աթլետիկայի մրցաշարում Հայաստանի միակ ներկայացուցիչ Լեւոն Աղասյանը չկարողացավ հաղթահարել եռացատկի մրցման նախնական փուլի արգելքը:
«Օլիմպիական մրցելույթում ինձ պակասեց ցատկի զգացողությունը: Չէ, ուշացավ այսպես ասած: Պատրաստ էի ֆիզիկապես եւ հոգեպես։ Մի պահ բաց թողեցի զգացողությունը եւ վերջ։ Երրորդ ցատկը համեմատաբար լավն էր, չնայած ցատկատախտակը տրորեցի։ Այդ ցատկով պետք է սկսեի մրցույթը։
Կանգ չենք առնում, շարունակում ենք: Հաջորդ անգամ կստացվի: Այնքան եմ համառություն անելու, մինչեւ չեմպիոն դառնամ»,- ասաց Լեւոն Աղասյանը:
Օգոստոսի 3-ին կապանցի եռացատկորդը հանդես եկավ B խմբում եւ գրանցեց 16,42 մետր արդյունք: Այս խմբում Աղասյանը 16 մասնակիցների մեջ 11-րդ տեղը զբաղեցրեց: Նրա անձնական ռեկորդը 17,16 մետր է։ Լեւոն Աղասյանն ավարտեց ելույթը Տոկիո-2020–ում: Սա նրա երկրորդ Օլիմպիական խաղերն էին:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.