«Կրասնոդարն» ու «Ռոստովը» պարտվեցին Սպերցյանի ու Բայրամյանի հետ

Ֆուտբոլի Ռուսաստանի առաջնության երկրորդ տուրում գործող չեմպիոն պետերբուրգյան «Զենիթը» 4:2 հաշվով արտագնա հաղթանակ տարավ «Ռոստովի» նկատմամբ: Հայաստանի հավաքականի կիսապաշտպան Խորեն Բայրամյանը «Ռոստովի» կազմում անցկացրեց ամբողջ հանդիպումը:

«Կրասնոդարն» Էդուարդ Սպերցյանի հետ նվազագույն հաշվով տնային պարտություն կրեց մերձմոսկովյան «Խիմկիից»: Հայաստանի հավաքականի նորեկը կրասնոդարցիների մեկնարկային կազմում հանդես եկավ առանց փոխարինման:

Հայաստանի հավաքականի կիսապաշտպան Արշակ Կորյանը «Խիմկիի» փոխարինողների թվում էր:

Ռուսաստանի առաջնություն, երկրորդ տուր

«Ռոստով» - «Զենիթ»՝ 2:4

Նիկոլայ Կոմլիչենկո, 45+1, Մաքսիմ Օսիպենկո, 84 – Ալեքսանդր Երոխին, 29, 90+5, Սերդար Ազմուն, 35, Վենդել, 74

«Կրասնոդար» - «Խիմկի»՝ 0:1

Իլիա Կուխարչուկ, 63

Չիրացված 11 մետրանոց՝ Վիկտոր Կլաեսոն, 15 («Կրասնոդար»)