Ռուսաստանի ներկայացուցիչ Կարեն Խաչանովն արծաթե մեդալակիր դարձավ Ճապոնիայի մայրաքաղաք Տոկիոյում անցկացվող 32-րդ ամառային Օլիմպիական խաղերի թենիսի տղամարդկանց մրցաշարում:
Եզրափակիչում 25-ամյա հայ թենիսիստը մրցեց գերանացի Ալեքսանդր Զվերևի հետ և պարտվեց 2 սեթում՝ 3:6, 1:6: Մրցախաղը տևեց 1 ժամ 20 րոպե: 24-ամյա Զվերևը նվաճեց Գերմանիայի չորրորդ ոսկե մեդալը Տոկիո-2020-ում:
Տղամարդկանց մենախաղի բրոնզե մեդալակիր էր դարձել իսպանացի Պաբլո Կարենյո-Բուստան, որը երրորդ տեղի համար մրցախաղում հաղթել էր աշխարհի առաջին ռակետ, սերբ Նովակ Ջոկովիչին:
Սա Խաչանովի երկրորդ օլիմպիական հաջողությունն էր: Նանջինգ-2014 պատանեկան Օլիմպիական խաղերում նա արծաթե մեդալակիր էր դարձել զուգախաղում:
Հիշեցնենք, որ Կարեն Խաչանովը Տոկիո-2020-ի առաջին շրջանում հաղթել էր Ճապոնիայի ներկայացուցիչ Յոսիհիտո Նիսիոկուին (3:6, 6:1, 6:2), երկրորդ շրջանում՝ ավստրալացի Ջեյմս Դաքվորթին (7:5, 6:1), երրորդ շրջանում՝ արգենտինացի Դիեգո Շվարցմանին (6:1, 2:6, 6:1), իսկ քառորդ եզրափակիչում՝ ֆրանսիացի Ուգո Ումբերին (7:6, 4:6, 6:3), իսկ կիսաեզրափակիչում՝ իսպանացի Պաբլո Կարենյո-Բուստային (6:3, 6:3):
Տոկիո-2020-ի թենիսի կանանց մենախաղի օլիմպիական չեմպիոնի կոչումը նվաճել էր շվեյցարացի Բելինդա Բենչիչը, որը եզրափակիչում ուժեղ էր գտնվել չեխ Մարկետա Վոնդրոուշովայից:
1 August - #Tennis - Single Men's
— #Tokyo2020 (@Tokyo2020) August 1, 2021
Alexander Zverev
Karen Khachanov #ROC
Pablo Carreño Busta #UnitedByEmotion | #StrongerTogether | #Olympics | #Tokyo2020
Amazing Alex
— ATP Tour (@atptour) August 1, 2021
@AlexZverev claims the men's singles gold medal for Germany after defeating Khachanov 6-3, 6-1!#Tokyo2020 #Olympics #Tennis pic.twitter.com/6WnoJQX39D
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։