Տոկիո-2020. Կևին Դյուրանտի պատմական ռեկորդն ԱՄՆ-ի հավաքականում
12:05 1 օգոստոսի, 2021Ճապոնիայի մայրաքաղաք Տոկիոյում շարունակվող 32-րդ ամառային Օլիմպիական խաղերի բասկետբոլի մրցաշարի երրորդ տուրում ԱՄՆ-ի հավաքականը 119:84 (18:25, 29:18, 35:17, 37:24) հաշվով հաղթել է Չեխիայի թիմին և ապահովել փլեյ-օֆֆի ուղեգիր:
Հանդիպման ամենաարդյունավետ խաղացող է ճանաչվել ամերիկյան «Բոստոնի» աստղ Ջեյսոն Տեյտումը, որը ԱՄՆ-ի հավաքականի կազմում վաստակել է 24 միավոր:
«Բրուքլինի» առաջատար Կևին Դյուրանտն ամերիկացիներին բերել է 23 միավոր և սահմանել պատմական ռեկորդ: Նա դարձել է Օլիմպիական խաղերում ԱՄՆ-ի հավաքականի կազմում ամենաշատ միավոր հավաքած բասկետբոլիստը: 32-ամյա խաղացողը միավորների քանակը հասցրել է 351-ի՝ գերազանցելով Կարմելո Էնտոնիի ռեկորդը (336 միավոր):
Տոկիո-2020-ից առաջ Կևին Դյուրանտն ԱՄՆ-ի հավաքականի կազմում վաստակել էր 311 միավոր:
Հիշեցնենք, որ Տոկիո-2020-ի առաջին տուրում ամերիկացի բասկետբոլիստները 76:83 հաշվով անակնկալ պարտություն էին կրել Ֆրանսիայի հավաքականից, իսկ երկրորդ խաղում 120:66 հաշվով հաղթել էին Իրանի թիմին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։