Տոկիո-2020․ Ֆուտբոլի մրցաշարի կիսաեզրափակիչի զույգերը
21:03 31 հուլիսի, 2021Տոկիոյի Օլիմպիական խաղերում հայտնի դարձան ֆուտբոլի մրցաշարի կիսաեզրափակիչի զույգերը։
Տղամարդկանց մրցաշարում եզրափակիչի ուղեգրի համար կմրցեն Մեքսիկայի եւ Բրազիլիայի, Ճապոնիայի եւ Իսպանիայի հավաքականները։
Քառորդ եզրափակիչում Մեքսիկան 6։3 հաշվով հաղթեց հավարկորեացիներին, Բրազիլիան 1։0 հաշվով առավելության հասավ Եգիպտոսի նկատմամբ։
Ճապոնիայի հավաքականը հետխաղային 11 մետրանոցներով 4։2 հաշվով հաղթեց Նոր Զելանդիային։ Հիմնական եւ լրացուցիչ ժամանակում գոլ չէր գրանցվել։
Իսպանիայի հավաքականը լրացուցիչ ժամանակում 5։2 հաշվով առավելության հասավ Կոտ դ’Իվուարի թիմի նկատմամբ:
Կանանց մրցաշարի կիսաեզրափակիչի զույգերը կազմել են ԱՄՆ-ն ու Կանադան, Ավստրալիան ու Շվեդիան։
Քառորդ եզրափակիչում Կանադան հետխաղային 11 մետրանոցներով 4։3 հաշվով պարտության մատնեց բրազիլացիներին։ Հիմնական եւ լրացուցիչ ժամանակն ավարտվել էր 0։0 հաշվով։
Ավստրալիան լրացուցիչ ժամանակում 4։3 հաշվով հաղթեց Մեծ Բրիտանիայի թիմին։ Շվեդիան 3։1 հաշվով ուժեղ էր ճապոնացիներից։ ԱՄՆ-ի թիմը հետխաղային 11 մետրանոցներով 4։2 հաշվով հաղթեց հոլանդացիներին։ Հիմնական եւ լրացուցիչ ժամանակից հետո հաշիվը 2։2 էր։
Կանանց կիսաեզրափակիչի հանդիպումները տեղի կունենան օգոստոսի 2-ին, տղամարդկանց խաղերը՝ օգոստոսի 3-ին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։