Աշխարհի առաջին ռակետ Նովակ Ջոկովիչը պարտություն կրեց Տոկիոյի Օլիմպիական խաղերի բրոնզե մեդալի համար մրցախաղում։ Թենիսի տղամարդկանց մենախաղում սերբ թենիսիստը բրոնզե մեդալի համար մրցեց իսպանացի Պաբլո Կարենյո-Բուստայի հետ եւ պարտություն կրեց երեք սեթում՝ 4:6, 7:6 (8:6), 3:6։ Պայքարը տեւեց 2 ժամ եւ 49 րոպե։
Հիշեցնենք, որ կիսաեզրափակիչում Ջոկովիչը պարտվել էր Գերմանիան ներկայացնող Ալեքսանդր Զվերեւին, Կարենյո-Բուստան՝ ռուսաստանցի Կարեն Խաչանովին։
Մենախաղի եզրափակիչը տեղի կունենա օգոստոսի 1-ին եւ կմեկնարկի Երեւանի ժամանակով 11։00-ին։
34-ամյա Ջոկովիչը 2008թ․ Պեկինի Օլիմպիական խաղերի բրոնզե մեդալակիր է։ Տոկիոյում Ջոկովիչը սերբ Նինա Ստոյանովիչի հետ պետք է խաղար նաեւ խառը զույգերի բրոնզե մեդալի համար, սակայն հրաժարվել է։ Բրոնզե մեդալներն առանց պայքարի կստանա ավստրալացիներ Էշլի Բարթին ու Ջոն Փիրսը։
It all comes down to this
— ITF (@ITFTennis) July 31, 2021
Five medal matches slated as final weekend play is underway...#Tokyo2020 | #Tennis pic.twitter.com/VQxzDERAqr
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։