Տոկիո-2020. Ճապոնիայի ռեկորդն ու ձյուդոյի մրցաշարի վերջին չեմպիոնները (ֆոտո)

Ճապոնիայի մայրաքաղաք Տոկիոյում ընթացող 32-րդ ամառային Օլիմպիական խաղերում հուլիսի 30-ին վիճարկվեցին ձյուդոյի մրցաշարի վերջին մեդալներն անհատական պայքարում:

Տղամարդկանց +100 կգ քաշային կարգում հաղթեց չեխ Լուկաշ Կրպալեկը, որը եզրափակիչում ուժեղ գտնվեց Վրաստանի ներկայացուցիչ Գուրամ Տուշիշվիլիից ու դարձավ կրկնակի օլիմպիական չեմպիոն: Բրոնզե մեդալակիր դարձան ռուսաստանցի Տամերլան Բաշաևն ու ֆրանսիացի Տեդի Ռինյերը:

30 July- #Judo - Men's +100kg

Lukáš Krpálek 
Guram Tushishvili 
Teddy Riner 
Tamerlan Bashaev #ROC#UnitedByEmotion | #StrongerTogether | #Olympics | #Tokyo2020

— #Tokyo2020 (@Tokyo2020) July 30, 2021

Կանանց +78 կգ քաշային կարգում օլիմպիական չեմպիոն դարձավ Ճապոնիայի ներկայացուցիչ Ակիրա Սոնեն: Եզրափակիչում ճապոնուհին հաղթեց կուբացի Իդալիս Օրտիսին: Բրոնզե մեդալի արժանացան ֆրանսիացի Ռոմեն Դիկոն ու Ադրբեջանի ներկայացուցիչ, ուկրաինացի Իրինա Կինձերսկայան:

Ճապոնիայի ներկայացուցիչները Տոկիո-2020-ի ձյուդոյի մրաշարում ոսկե մեդալների թիվը հասցրին 9-ի և սահմանեցին ռեկորդ: Նախորդ օլիմպիական ռեկորդը ևս պատկանում էր ճապոնացիներին (8 ոսկե մեդալ):

Տոկիո-2020-ի ձյուդոյի մրաշարը հուլիսի 31-ին կավարտվի թիմային միկստ մրցաձևով:

30 July- #Judo - Women's +78kg

SONE Akira 
Idalys Ortiz 
Iryna Kindzerska 
Romane Dicko #UnitedByEmotion | #StrongerTogether | #Olympics | #Tokyo2020

— #Tokyo2020 (@Tokyo2020) July 30, 2021

Հիշեցնենք, որ Օլիմպիական խաղերի ձյուդոյի մրցաշարում Հայաստանի միակ ներկայացուցիչ Ֆերդինանդ Կարապետյանը (73 կգ) հուլիսի 26-ին պարտություն էր կրել մեկնարկային գոտեմարտում և լքել պայքարը:

Japan has made history by winning  #Judo #gold medals at #Tokyo2020 beating their previous #Olympics record of #UnitedByEmotion | #StrongerTogether | #Olympics pic.twitter.com/qdCPbh6Hfm

— #Tokyo2020 (@Tokyo2020) July 30, 2021