Սան Մարինոյի առաջին օլիմպիական մեդալը պատմության մեջ (ֆոտո)

12:48   29 հուլիսի, 2021

Ալեսանդրա Պերիլին նվաճեց առաջին օլիմպիական մեդալը Սան Մարինոյի պատմության մեջ։ Տոկիոյի Օլիմպիական խաղերի ստենդային հրաձգության (տրապ) կանանց մրցաշարում նա 29 միավորով գրավեց երրորդ տեղը՝ արժանանալով բրոնզե մեդալի։

34 հազար բնակչությամբ Սան Մարինոն Խաղերի պատմության մեջ ամենափոքրաթիվ բնակչությամբ երկիրն է, որին հաջողվում է մեդալ նվաճել։

Չեմպիոնի տիտղոսը օլիմպիական ռեկորդով (43 միավոր) նվաճեց Սլովակիայի ներկայացուցիչ Զուզանա Շտեֆեչեկովան։ Ամերիկացի Քեյլ Բրաունինգը հետ մնաց 1 միավոր եւ նվաճեց արծաթե մեդալը։

Նույն մրցաձեւի տղամարդկանց պայքարն ավարտվեց չեխ Իրժի Լիպտակի հաղթանակով։ Նա նույնպես 43 միավորով սահմանեց օլիմպիական ռեկորդ։ Փոխչեմպիոն դարձավ Չեխիայի մյուս ներկայացուցիչ Դավիդ Կոստելեցկին, որը նույնպես կրկնեց օլիմպիական ռեկորդը։ Հաղթողը որոշվեց լրացուցիչ կրակահերթում։ Լիպտալը վաստակեց 7, Կոստելեցկին՝ 6 միավոր։

Բրոնզե մեդալակիրը բրիտանացի Մեթյու Քոուարդ-Հոլին է՝ 33 միավոր։

Չեխիան ու Սլովակիան առաջին ոսկե մեդալները նվաճեցին Տոկիոյի Խաղերում։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։