ՉԼ․ «Կայրաթը» Հովհաննիսյանի հետ պարտվեց «Ցրվենա Զվեզդային» եւ ԵԼ-ում կխաղա «Ալաշկերտի» դեմ

00:28   29 հուլիսի, 2021

Չեմպիոնների լիգայի որակավորման երկրորդ փուլի պատասխան խաղում Ալմաթիի «Կայրաթը» Բելգրադում հյուրընկալվեց սերբական «Ցրվենա Զվեզդային» եւ պարտություն կրեց 0։5 հաշվով՝ ավարտելով պայքարն այս մրցաշարում։

Հայաստանի հավաքականի պաշտպան Կամո Հովհաննիսյանը «Կայրաթի» մեկնարկային կազմում էր եւ անցկացրեց ամբողջ հանդիպումը, 82-րդ րոպեին զգուշացվեց դեղին քարտով։

Առաջին խաղում ղազախական թիմը տանը հաղթել էր 2։1 հաշվով։

«Կայրաթը» պայքարը կշարունակի Եվրոպայի լիգայի որակավորման երրորդ փուլում եւ կմրցի Հայաստանի չեմպիոն Երեւանի «Ալաշկերտի» հետ, որը Չեմպիոնների լիգայում չհաղթահարեց Տիրասպոլի «Շերիֆի» արգելքը։

Եվրոպայի լիգայի որակավորման երրորդ փուլի հանդիպումները տեղի կունենան օգոստոսի 5-ին եւ 12-ին։

Չեմպիոնների լիգա, որակավորման երկրորդ փուլ, պատասխան խաղ

«Ցրվենա Զվեզդա» (Սերբիա) - «Կայրաթ» (Ղազախստան)՝ 5։0 (առաջին խաղ՝ 1։2)

Ալեքսանդր Կատաի, 9, 42, Լուա Դյոնի, 21, Միրկո Իվանիչ, 49, Ֆիլիպո Ֆալկո, 56



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։