ՉԼ․ «Ալաշկերտը» պարտվում է «Շերիֆին» առաջին խաղակեսից հետո

21:47   28 հուլիսի, 2021

Չեմպիոնների լիգայի որակավորման երկրորդ փուլի պատասխան խաղում Հայաստանի չեմպիոն «Ալաշկերտը» Տիրասպոլում մրցում է մոլդովական «Շերիֆի» հետ։

Առաջին խաղակեսից հետո երեւանյան թիմը պարտվում է 1։2 հաշվով։ Առաջինն արդեն 10 րոպեին հաջողության հասավ «Ալաշկերտը»։ Աչքի ընկավ բոսնիացի հարձակվող Ալեքսանդր Գլիշիչը։

«Շերիֆը» 15-րդ եւ 23-րդ րոպեներին գոլ խփեց՝ առաջ անցնելով հաշվի մեջ։ Պերուացի պաշտպան Գուստավո Դուլանտոն եւ բրազիլացի պաշտպան Լուվանոր Էնրիկեն գրավեցին սերբ Օգնյեն Չանչարեւիչի պաշտպանած դարպասը։

Ընդմիջում է։

Երեւանում տեղի ունեցած առաջին խաղում 1։0 հաշվով հաղթել է մոլդովական թիմը։

«Շերիֆի» արգելքը հաղթահարելու դեպքում «Ալաշկերտը» որակավորման երրորդ փուլում կմրցի «Կայրաթ» (Ղազախստան) - «Ցրվենա Զվեզդա» (Սերբիա) զույգի հաղթողի հետ: Այս զույգի պարտվողը պայքարը կշարունակի Եվրոպայի լիգայի որակավորման երրորդ փուլում, որտեղ կմրցի «Կայրաթ» - «Ցրվենա Զվեզդա» զույգի պարտվողի հետ:

Հիշեցնենք, որ Չեմպիոնների լիգայի որակավորման առաջին փուլում «Ալաշկերտը» 2 խաղերի արդյունքում հաղթել է Ուելսի չեմպիոն «Կոնաս Կի Նոմադսին» (2:2, 1:0), իսկ «Շերիֆը» պայքարից դուրս է թողել ալբանական «Տեուտային» (4:0, 1:0):



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։