«Մանչեսթեր Սիթին» 88 միլիոն եվրո կառաջարկի Ջեք Գրիլիշի համար
18:47 28 հուլիսի, 2021Անգլիայի չեմպիոն «Մանչեսթեր Սիթին» պատրաստ է 88 միլիոն եվրո (75 միլիոն ֆունտ ստերլինգ) առաջարկել «Աստոն Վիլայի» եւ Անգլիայի հավաքականի 25–ամյա կիսապաշտպան Ջեք Գրիլիշի համար, հաղորդում է Daily Mail–ը։
«Աստոն Վիլան» իր ավագի տրանսֆերից ակնկալում է 117 միլիոն եվրո (100 միլիոն ֆունտ ստերլինգ), սակայն նախքան այդ ավելի լավ պայմաններով նոր պայմանագիր կառաջարկի Ջեք Գրիլիշին։
Անգլիացի ֆուտբոլիստը «Աստոն Վիլայի» սան է, ակումբում է 2012 թվականից, անցած տարվանից հանդես է գալիս Անգլիայի հավաքականում։
Անգլիայի անցած առաջնությունում Ջեք Գրիլիշը մասնակցել է 26 հանդիպման, խփել 6 գոլ, կատարել 12 գոլային փոխանցում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։