Մադրիդի «Ռեալի» նորեկ Դավիդ Ալաբայի մոտ կորոնավիրուս է հայտնաբերվել, hաղորդում է ակումբի մամուլի ծառայությունը:
Ավստրիայի հավաքականի պաշտպանը վերջերս էր միացել Արքայական ակումբի մարզումներին: Նա ինքնամեկուսացվել է:
Հիշեցնենք, որ 29-ամյա ֆուտբոլիստը «Ռեալի» հետ կնքել է 5 տարվա պայմանագիր:
2009 թվականից Ալաբան հանդես էր գալիս Մյունխենի «Բավարիայում», որի հետ պայմանագիրը չերկարաձգեց և ստացել էր ազատ գործակալի կարգավիճակ։ Նա Գերմանիայի 10-ակի չեմպիոն է, 6-ակի գավաթակիր և սուպերգավաթակիր, Չեմպիոնների լիգայի կրկնակի գավաթակիր, Եվրոպայի կրկնակի գավաթակիր, աշխարհի կրկնակի ակումբային չեմպիոն։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։