Կարեն Խաչանով. Ինչի՞ համար խաղալ այսպիսի շոգ եղանակին, որպեսզի մահանա՞լ կորտում

13:40   28 հուլիսի, 2021

Ռուսաստանի ներկայացուցիչ Կարեն Խաչանովը մեկնաբանել է Ճապոնիայի մայրաքաղաք Տոկիոյում անցկացվող 32-րդ ամառային Օլիմպիական խաղերի թենիսի մրցաշարի երրորդ շրջանում արգենտինացի Դիեգո Շվարցմանի նկատմամբ հաղթանակը (6:1, 2:6, 6:1):

«Շոգի պայմաններում դժվար է խաղալ թենիս: Առաջին սեթը համեմատաբար հեշտ էր: Հնարավոր է, որ այսօր սկսեցի լավագույն կերպով, խաղում էի ագրեսիվ, ինչպես ցանկանում եմ: Սակայն այսօր ավելի շոգ էր, ինչը ճնշում էր: Երկար խաղարկումներ անցկացնելու ցանկություն չկար:

Մենք խնդրել էինք ավելի ուշ ժամի նշանակել մրցախաղը: Չեմ ցանկանում թողնել քմահաճ կամ թույլ տպավորություն, ֆիզիկապես բավականաչափ ուժեղ եմ: Սակայն ինչի՞ համար խաղալ այսպիսի շոգ եղանակին, որպեսզի մահանա՞լ կորտում: Մյուս մարզաձևերի մրցումներն անցկացվում են դահլիճում ու օդակարգավորիչի պայմաններում, իսկ ոմանք դրսում հանդես են գալիս առավոտյան ժամը 9-ին: Կարելի է սկսել ժամը 4-5-ին, գուցե տոթ կլինի, բայց՝ առանց արևի»,- հայ թենիսիստի խոսքը մեջբերում է «Чемпионат»-ը:

Հիշեցնենք, որ Տոկիո-2020-ի քառորդ եզրափակիչում Խաչանովի մրցակիցը կլինի ֆրանսիացի Ուգո Ումբերը, որը պայքարից դուրս է թողել հույն Ստեֆանոս Ցիցիպասին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։