«Մանչեսթեր Յունայթեդը» մտադիր է վաճառել 8 ֆուտբոլիստի
21:42 27 հուլիսի, 2021Անգլիական «Մանչեսթեր Յունայթեդը» մինչեւ ամառային տրանսֆերային պատուհանի փակվելը մտադիր է վաճառել 8 ֆուտբոլիստի, հաղորդում է ESPN–ը։
Նորվեգացի գլխավոր մարզիչ Ուլե–Գունար Սուլշերը պատրաստ է բաժանվել պաշտպաններ Բրենդոն Ուիլյամսից, Ֆիլ Ջոնսից, Դիոգու Դալոտից, Ալեքս Տելեսից, կիսապաշտպաններ Ջեսի Լինգարդից, Անդրեաս Պերեյրայից, հարձակվողներ Դենիել Ջեյմսից եւ Անտոնի Մարտիալից։
«Մանչեսթեր Յունայթեդը» մտադիր է այս ամռանը նոր խաղացողների ձեռքբերմանը տրամադրել 115 միլիոն եվրո։
Մանչեսթերյան ակումբն արդեն Դորտմունդի «Բորուսիայից» ձեռք է բերել Անգլիայի հավաքականի կիսապաշտպան Ջեյդոն Սանչոյին։ Սպասվում է, որ առաջիկա օրերին Մադրիդի «Ռեալից» «Մանչեսթեր Յունայթեդ» կտեղափոխվի աշխարհի չեմպիոն Ֆրանսիայի հավաքականի պաշտպան Ռաֆայել Վարանը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։