Ֆրանսիական ՊՍԺ-ի նորեկ Սերխիո Ռամոսը վնասվածքի պատճառով բաց կթողնի իր նախկին ակումբ իսպանական «Սևիլիայի» դեմ ընկերական հանդիպումը, hաղորդում է ակումբի մամուլի ծառայությունը:
35-ամյա իսպանացի պաշտպանը մկանային վնասվածք է ստացել մարզման ժամանակ: Սպասվում է, որ Մադրիդի «Ռեալի» նախկին ավագը ՊՍԺ-ի ընդհանուր խմբում մարզումները կվերսկսի մեկ շաբաթից:
ՊՍԺ-ն ու «Սևիլիան» հուլիսի 27-ին ընկերական հանդիպում կանցկացնեն Պորտուգալիայում: Խաղը կսկսվի Երևանի ժամանակով 22:00-ին:
Հիշեցնենք, որ 16 տարի «Ռեալում» անցկացրած Սերխիո Ռամոսի պայմանագիրն Արքայական ակումբի հետ ավարտվել էր հունիսի 30-ին, և նա ազատ գործակալի կարգավիճակում է միացել ՊՍԺ-ին, որի կազմում հանդես կգա 4 համարի մարզաշապիկով: Իսպանացին ֆրանսիական ակումբի հետ կնքել է 2 տարվա պայմանագիր:
The Parisian squad for #PSGSFC! pic.twitter.com/GQKX1ZlVy0
— Paris Saint-Germain (@PSG_English) July 27, 2021
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։