Էքլսթոունը ցանկանում է վարձակալել Ստամբուլի ավտոարշավարանը

Ֆորմուլա-1-ի գլխավոր մենեջեր Բեռնի Էքլսթոունը ցանկանում է Թուրքիայի Մեծ մրցանակի խաղարկությունը վերադարձնել աշխարհի առաջնության օրացույց։ Էքլսթոունը կմասնակցի Ստամբուլ ավտոարշավարանի վարձակալության մրցույթին։

Թուրքիայի Մեծ մրցանակը Ֆորմուլա-1-ի օրացույցում էր ընդգրկված 2005-2011 թվականներին, սակայն կազմակերպիչներին չհաջողվեց նոր պայմանագիր կնքել ֆինանսական խնդիրների պատճառով։ Նաեւ Թուրքիայում հետաքրքրությունը Ֆորմուլա-1-ի նկատմամբ գրեթե զրոյական է եւ մրցումն անցնում էր քիչ հանդիսականներով։

Էքլսթոունը ցանկանում է ավտոարշավարանը վարձակալել տասը տարով, հաղորդում է Hurriyet-ը։