Իսպանական «Սեւիլիան» ու անգլիական «Տոտենհեմը» ավարտել են ֆուտբոլիստների փոխանակման գործարքը։ Լոնդոնյան թիմին միացել է 20–ամյա իսպանացի կիսապաշտպան Բրայան Խիլը, որը կնքել է հինգ տարվա պայմանագիր։ «Տոտենհեմից» «Սեւիլիա» է տեղափոխվել 29–ամյա արգենտինացի կիսապաշտպան Էրիկ Լամելան, հաղորդում են ակումբների կայքերը։
Բրայան Խիլի տրանսֆերային արժեքը գնահատվում է 30 միլիոն եվրո։ Անցած մրցաշրջանում նա վարձակալությամբ հանդես է եկել իսպանական «Էյբարում» եւ բոլոր մրցաշարերում անցկացրած 30 խաղում խփել է 4 գոլ, կատարել 4 գոլային փոխանցում։
Էրիկ Լամելան «Տոտենհեմ» էր տեղափոխվել 2013–ին իտալական «Ռոմայից»։ Անգլիայի անցած առաջնությունում նա մասնակցել է 23 հանդիպման, խփել 1 գոլ։
A player who gave everything for the badge.
— Tottenham Hotspur (@SpursOfficial) July 26, 2021
Thank you, @ErikLamela. pic.twitter.com/oOjgr13wtI
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։