Տոկիո-2020. Գերմանացի ֆուտբոլիստն ամուսնության առաջարկ է արել ուղիղ եթերում
09:14 26 հուլիսի, 2021Գերմանիայի օլիմպիական հավաքականի հարձակվող Մաքս Կրուզեն Ճապոնիայի մայրաքաղաք Տոկիոյում ընթացող 32-րդ ամառային Օլիմպիական խաղերի ֆուտբոլի մրցաշարի երկրորդ տուրում Սաուդյան Արաբիայի թիմի նկատմամբ հաղթանակից հետո (3:2) ուղիղ եթերում ամուսնության առաջարկ է արել իր ընկերուհուն, հայտնում է Stuttgarter Nachrichten-ը:
Հետխաղյա հարցազրույցի ժամանակ գերմանական «Ունիոն Բեռլինի» 33-ամյա ֆուտբոլիստը հանել է մարզաշապիկը, ծնկի իջել ու իր ընկերուի, ազգությամբ քուրդ Դիլանին առաջարկել դառնալ իր կինը: Կրուզեի շապիկին եղել է «Ես քեզ սիրում եմ» գրառումը քրդերենով:
Տոկիո-2020-ի երկրորդ տուրից հետո Գերմանիայի օլիմպիական հավաքականը 3 միավորով երրորդն է D խմբում: Խմբի առաջատարներն են 4-ական միավոր հավաքած Բրազիլիան ու Կոտ դ՛Իվուարը: Երրորդ տուրում գերմանացիները կմրցեն Կոտ դ՛Իվուարի հավաքականի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։