Տոկիո-2020. Օրվա առաջին մեդալակիրներն ու ամենաբարդ մարզաձևերից մեկի հաղթողը

08:53   26 հուլիսի, 2021

Ճապոնիայի մայրաքաղաք Տոկիոյում ընթացող 32-րդ ամառային Օլիմպիական խաղերում հուլիսի 26-ին վիճարկվում են մեդալների 21 հավաքածուներ, որոնցից մի քանիսն արդեն բաժին են հասել ուժեղագույններին:

Ամենաբարդ մարզաձևերից մեկի՝ տրիատլոնի չեմպիոնի կոչումը նվաճեց նորվեգացի Կրիստիան Բլումենֆելը: Նա գրանցեց 1:45.04 արդյունք:

Օլիմպիական փոխչեմպիոն դարձավ բրիտանացի Ալեքս Յին (1:45.15), իսկ բրոնզե մեդալը բաժին հասավ Նոր Զելանդիան ներկայացնող Հեյդեն Ուայլդին (1:45.24):

Լողի մրցաշարում տղամարդկանց 100 մետր բրասի չեմպիոնի կոչումը նվաճեց բրիտանացի Ադամ Պիտին (57,37): Հոլանդացի Արնո Կամինգան (58,00) դարձավ օլիմպիական փոխչեմպիոն, իսկ իտալացի Նիկոլո Մարտինենգին (58,33) գրավեց երրորդ տեղը:

Լողի կանանց 100 մետր բատերֆլայում օլիմպիական չեմպիոն դարձավ կանադացի Մարգարետ Մակնիլը, որը գրանցեց 55.59 վայրկյան արդյունքը: Չինացի Յուֆեյ Չժանը երկրորդն էր (55.64), իսկ ավստրալացի Էմա Մաքենոնն արժանացավ բրոնզե մեդալի (55.72):

Լողի կանանց 400 մետր ազատ ոճում հաղթեց ավստրալացի Արիանե Տիտմուսը: Ամերիկուհի Քեթի Լեդեկին երկրորդն էր, իսկ չինացի Լի Բինջինը եզրափակեց եռյակը:

Տղամարդկանց 4х100 մետր ազատ ոճի փոխանցումալողում հաղթեց ԱՄՆ-ի հավաքականը: Արժաթե մեդալակիր դարձան իտալացիները, իսկ եռյակը եզրափակեց Ավստրալիան:

Սքեյթբորդինգի կանանց պայքարում ոսկե մեդալակիր դարձավ ճապոնացի Նիշիյա Մոմիջին (14.74): Արծաթե մեդալը բաժին հասավ բրազիլուհի Ռայսա Լեալին (14.64), բրոնզե մեդալը՝ ճապոնուհի Ֆունա Նակայամային (14.49):



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.