Միլանի «Ինտերը» հաղթեց 8։0 հաշվով
00:28 26 հուլիսի, 2021Իտալիայի չեմպիոն Միլանի «Ինտերը» մարզումային ստուգողական հանդիպում է անցկացրել իտալական երրորդ լիգան ներկայացնող «Պերգոլետեզեի» հետ։ Իտալացի Սիմոնե Ինձագիի գլխավորած թիմն առավելության է հասել 8։0 հաշվով։
Դուբլի հեղինակ են դարձել Մատեո Դարմիանը, Անդրեա Պինամոնտին եւ Մարտին Սատրիանոն։ Աչքի են ընկել նաեւ Ռոբերտո Գալյարդինին եւ Ֆրանչեսկո Նունցիատինին։
Հիշեցնենք, որ «Ինտերն» անցած մրցաշրջանում իտալացի Անտոնիո Կոնտեի գլխավորությամբ Իտալիայի չեմպիոնի տիտղոսը նվաճեց 11 տարվա դադարից հետո։ Տրանսֆերային քաղաքականության հարցում ակումբի ղեկավարության հետ ունեցած տարաձայնությունների պատճառով Կոնտեն հեռացավ պաշտոնից։ Նրան փոխարինեց «Լացիոյից» հեռացած Սիմոնե Ինձագին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։