Տոկիո-2020․ Քույր եւ եղբար Աբեները 2 ոսկե մեդալ բերեցին Ճապոնիային ձյուդոյում (ֆոտո)

15:28   25 հուլիսի, 2021

Տոկիոյում ընթացող 32-րդ ամառային Օլիմպիական խաղերի երկրորդ մեդալային օրը ձյուդոյի մրցաշարում Ճապոնիայի հավաքականին երկու ոսկե մեդալ բերեցին քույր եւ եղբայր Աբեները։

Կանանց 52 կգ քաշային կարգում Ուտա Աբեն եզրափակիչում պարտության մատնեց ֆրանսիացի Ամանդին Բուշարին։ Բրոնզե մեդալները բաժին հասան բրիտանացի Չելսի Ժիլին եւ իտալացի Օդետե Ջուֆրիդին։

Տղամարդկանց 66 կգ քաշային կարգի եզրափակիչում Հիֆումի Աբեն առավելության հասավ վրացի Վաժա Մարգվելաշվիլիի նկատմամբ։ Բրոնզե մեդալակիրներ դարձան բրազիլացի Դանիել Կարգնինը եւ հարավկորեացի Բաուլ Անը։

5 ոսկե եւ 1 արծաթե մեդալով Ճապոնիան երկրորդն է ընդհանուր մեդալային հաշվարկում։ Առաջատարը Չինաստանն է՝ 5 ոսկե, 1 արծաթե, 3 բրոնզե մեդալ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։