Տոկիո-2020․ Ավստրալիայի թիմի աշխարհի ռեկորդը, ԱՄՆ-ի առաջին տիտղոսը, 18-ամյա թունիսցու սենսացիան (ֆոտո)

10:05   25 հուլիսի, 2021

Կանանց Ավստրալիայի հավաքականը նվաճեց լողի 4 անգամ 100 մետր ազատ ոճի չեմպիոնական տիտղոսը՝ սահմանելով աշխարհի ռեկորդ (3.29,69)։ Երկրորդ տեղը գրավեց Կանադայի քառյակը (3.32,78), երրորդ տեղը՝ ԱՄՆ-ի թիմը  (3.32.82)։

Կանանց 400 մետր համալիր լողում օլիմպիական չեմպիոն դարձավ ճապոնացի Յուի Օհասին (4.32,08)։ Արծաթե մեդալը նվաճեց ամերիկացի Էմմա Ուեյանթը (4.32,76)։ Երրորդ տեղը գրավեց ամերիկացի Հալի Ֆլիքինջերը (4.34,90)։

Տղամարդկանց 400 մետր համալիր լողում առաջինն ամերիկացի Չեյս Քալիժն էր (4.09,42), որը նվաճեց ԱՄՆ-ի առաջին ոսկե մեդալն այս Խաղերում։ Երկրորդ տեղը գրավեց ամերիկացի Ջեյ Լիթերլենդը (4.10,28)։ Երրորդը ավստրալացի Բրենդոն Սմիթն է (4.10,38)։

Տղամարդկանց 400 մետր ազատ ոճում սենսացիա մատուցեց Թունիսի 18-ամյա ներկայացուցիչ Ահմեդ Այուբ Հաֆնաուին (3.43,36), որը հետ թողեց ավստրալացի Ջեք Մաքլաֆլինին (3.43,52) եւ ամերիկացի Քիրան Սմիթին (3.43,94)։



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։