Մոսկվայի «Դինամոյի» 18-ամյա կիսապաշտպան Արսեն Զախարյանը «Ռոստովի» դեմ ֆուտբոլի Ռուսաստանի առաջնության առաջին տուրի խաղում (2:0) գոլի հեղինակ դառնալուց հետո կիսվել է տպավորություններով: Ռուսաստանի ազգային հավաքականի նորեկը ճանաչվել է հանդիպման լավագույն խաղացող:
«Ամբողջ խաղն անցավ մեր վերահսկողության ներքո: Արդյո՞ք ունենք ավանդույթ՝ կապված հանդիպման լավագույն խաղացողի մրցանակի հետ. հանդերձարանում կլինեն կատակներ, ես պատրաստվում են դրանց»,- հանդիպումից հետո «Матч Премьер» ալիքի եթերում ասել է հայ ֆուտբոլիստը:
Հիշեցնենք, որ Արսեն Զախարյանի խփած գոլն առաջինն էր Ռուսաստանի առաջնության նոր մրցաշրջանում:
Հայաստանի հավաքականի կիսապաշտպան Խորեն Բայրամյանն այդ խաղում «Ռոստովի» կազմում փոխարինման էր դուրս եկել 59-րդ րոպեին:
Ռուսաստանի նախորդ առաջնությունում Արսեն Զախարյանը «Դինամոյի» կազմում մասնակցել է 13 հանդիպման, դարձել 3 գոլի ու 5 գոլային փոխանցման հեղինակ: Քվեարկության արդյունքում նա ճանաչվել էր «Դինամոյի» լավագույն ֆուտբոլիստ 2020/21թթ. մրցաշրջանում: Ավելի վաղ հայ ֆուտբոլիստն ընդգրկվել էր Ռուսաստանի հավաքականի ընդլայնված կազմում, սակայն դուրս մնաց Եվրո-2020-ի հայտացուցակից:
View this post on Instagram
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։