Տոկիո-2020-ի առաջին չեմպիոնը՝ օլիմպիական ռեկորդով (ֆոտո)
11:57 24 հուլիսի, 2021Ճապոնիայի մայրաքաղաք Տոկիոյում մեկնարկած 32-րդ ամառային Օլիմպիական խաղերի առաջին չեմպիոնական տիտղոսը նվաճել է Չինաստանի հավաքականը:
Հրաձգության կանանց մրցաշարի 10մ օդամղիչ հրացան վարժությունում օլիմպիական չեմպիոն է դարձել Յան Ցյանը: Նա հավաքել է 251,8 միավոր՝ սահմանելով օլիմպիական ռեկորդ:
Երկրորդ տեղը գրավել է ռուս Անաստասիա Գալաշինան (251,1), իսկ բրոնզե մեդալակիր է դարձել շվեյցարացի Նինա Կրիստենը (230,6): Մրցմանը մասնակցել են 50 մարզուհիներ:
Տոկիո-2020-ի առաջին մեդալային օրը Չինաստանն արդեն նվաճել է 2 տիտղոս: Ծանրամարտի կանանց 49 կգ քաշային կարգում ոսկե մեդալակիր է դարձել Չժիոյ Հոն, որը երկամարտում գրանցել է 210 կգ (94+116):
Ֆոտո՝ Getty Images / olympics.com
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։