Տոկիո-2020. Նժույգ թափերում Արթուր Դավթյանը չհաղթահարեց որակավորման փուլը

11:34   24 հուլիսի, 2021

Արթուր Դավթյանը չկարողացավ հաղթահարել Ճապոնիայի մայրաքաղաք Տոկիոյում ընթացող 32-րդ ամառային Օլիմպիական խաղերի սպորտային մարմնամարզության մրցաշարի նժույգ թափեր վարժության որակավորման փուլի արգելքը:

Այդ վարժության Եվրոպայի գործող չեմպիոնը վաստակեց 14.566 միավոր: Նա գրանցեց 9-րդ արդյունքը, իսկ եզրափակիչի ուղեգիր են նվաճում 1-8-րդ տեղ գրաված մարմնամարզիկները:

Նժույգ թափեր վարժությունում Դավթյանը գրանցեց կարիերայի ամենաբարձր արդյունքը՝ 14.566 միավոր:

Հուլիսի 24-ին Արթուր Դավթյանը մասնակցել է նաև հենացատկի որակավորման փուլին, որտեղ 14.866 միավորով ընթացիկ առաջին տեղում է: Հենացատկի մրցաշարի եզրափակիչը տեղի կունենա օգոստոսի 2-ին:

Հիշեցնենք, որ 2021 թվականի ապրիլի 24-ին՝ Հայոց ցեղասպանության 106-րդ տարելիցի օրը, Շվեյցարիայի Բազել քաղաքում անցկացված սպորտային մարմնամարզության Եվրոպայի առաջնությունում Արթուր Դավթյանը նժույգ թափեր վարժությունում 14.266 միավորով հռչակվել էր չեմպիոն եւ անմոռուկով կանգնեց պատվո հարթակի ամենաբարձր աստիճանին։ Տոկիո-2020-ի սպորտային մարմնամարզության տղամարդկանց որակավորման փուլի վերջնական արդյունքները հայտնի կդառնան մրցումային օրվա ավարտին՝ երրորդ մրցահերթից հետո:

Հիշեցնենք, որ Տոկիո-2020-ում Հայաստանը 17 ներկայացուցիչ ունի 8 մարզաձևերում



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։