Եռացատկորդ Լեւոն Աղասյանը մեկնում է օլիմպիական Տոկիո. Ուղիղ՝ «Զվարթնոցից»
03:42 24 հուլիսի, 2021Հայաստանի առաջատար եռացատկորդ Լեւոն Աղասյանը մեկնում է օլիմպիական Տոկիո, փոխանցում է NEWS.am Sport-ի թղթակիցը: Ներկայացնում ենք ուղիղ հեռարձակում «Զվարթնոցից»:
Հուլիսի 24-ին 05:35-ին Երեւան - Փարիզ - Տոկիո չվերթով օլիմպիական մայրաքաղաք է մեկնում 32-րդ ամառային Օլիմպիական խաղերում աթլետիկայի մրցաշարի՝ Հայաստանի միակ ներկայացուցիչ Լեւոն Աղասյանը:
Փարիզում նրան կմիանա հեռացատկի Եվրոպայի չեմպիոն, Եվրոպայի ռեկորդակիր, Հայաստանի աթլետիկայի ֆեդերացիայի նախագահ Ռոբերտ Էմմիյանը: Փարիզից Լեւոն Աղասյանն ու Ռոբերտ Էմմիյանը միասին կմեկնեն օլիմպիական մայրաքաղաք:
Հայաստանի օլիմպիականը Տոկիո կժամանի հուլիսի 25-ի առավոտյան: Նշենք, որ 17 մասնակցից բաղկացած Հայաստանի օլիմպիական հավաքականից Տոկիո դեռ չեն ժամանել հունառոմեական եւ ազատ ոճի ըմբիշները: Առաջին ըմբիշը՝ հունահռոմեական Արմեն Մելիքյանը օլիմպիական մայրաքաղաք կմենկի հուլիսի 29-ին հավաքականի մարզիչներ Էդուարդ Սահակյանի եւ Սամվել Գեւորգյանի հետ:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.