Ջոկովիչ․ Կատարյալին մոտ պատրաստություն եմ ունեցել Տոկիո-2020-ից առաջ
23:56 23 հուլիսի, 2021Տոկիո ժամանած աշխարհի առաջին ռակետ, սերբ Նովակ Ջոկովիչը տրամադրված է չեմպիոնական տիտղոս նվաճել 32-րդ ամառային Օլիմպիական խաղերում։
«Ինձ հրաշալի եմ զգում ֆիզիկապես եւ հոգեբանորեն։ Պատրաստ եմ լավագույն խաղս ցուցադրել։ Անցկացնում եմ կարիերայիս լավագույն մրցաշրջանը։ Ավելի լավ պատրաստություն չէի կարող ունենալ Խաղերին ընդառաջ, քան այս տարի եմ ունեցել։ Կատարյալին մոտ է։
Նախորդ Օլիմպիական խաղերում նյարդային էի, եւ դա նորմալ է։ Երբ Խաղերում ներկայացնում ես Սերբիան, դա տարբերվում է սովորական մրցումներից»,- Ջոկովիչի խոսքը մեջբերում է Tennis Head-ը։
2008թ․ Պեկինի Խաղերում Ջոկովիչը նվաճել է բրոնզե մեդալ, 2012թ․ Լոնդոնի Խաղերում գրավել է չորրորդ տեղը, 2016թ․ Ռիոյի Խաղերում դուրս է մնացել առաջին շրջանում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.