Մակրոնը ժամանել է Տոկիո՝ Օլիմպիական խաղերի բացման արարողությունը
14:16 23 հուլիսի, 2021Ֆրանսիայի նախագահ Էմանուել Մակրոնը ժամանել է Ճապոնիայի մայրաքաղաք Տոկիո, որտեղ հուլիսի 23-ին՝ Երեւանի ժամակակով 15:00-ին, կմեկնարկի 32-րդ ամառային Օլիմպիական խաղերի բացման արարողությունը, փոխանցում է L'Équipe-ը:
Մակրոնը հանդիպել է Միջազգային օլիմպիական կոմիտեի (ՄՕԿ) նախագահ Թոմաս Բախի հետ և ընդգծել, որ Փարիզը պատրաստվում է հաջորդ Օլիմպիական խաղերն ընդունելուն:
Բացմանը ներկա կլինի նաեւ ՀՀ նախագահ Արմեն Սարգսյանը։
Հիշեցնենք, որ Լոնդոն-2020 Օլիմպիական խաղերի բացման հանդիսավոր արարողությունը մասնակցել էին 80 համաշխարհային առաջնորդներ, իսկ Ռիո-2016-ում՝ 40:
Տոկիոյի Օլիմպիական ստադիոնում նախատեսված միջոցառումը կորոնավիրուսի համավարակով պայմանավորված սահմանափակումների պատճառով կանցկացվի առանց հանդիսականների: Հայաստանի դրոշակակիրները կլինեն լողորդ Վարսենիկ Մանուչարյանը և բռնցքամարտիկ Հովհաննես Բաչկովը (63 կգ), իսկ տրիբունաներում ներկա կլինեն միայն պաշտոնական անձինք ու լրագրողները: Շքերթին կմասնակցեն 206 պատվիրակություններ:
Կորոնավիրուսի պանդեմիայի պատճառով Տոկիո-2020 Օլիմպիական խաղերը հետաձգվել էին մեկ տարով և կանցկացվեն 2021թ. հուլիսի 23-ից օգոստոսի 8-ը: Հայաստանը 17 ներկայացուցիչ կունենա 8 մարզաձևերում: Հայ մարզիկներից առաջինը պայքարի մեջ կմտնի սպորտային մարմնամարզության Եվրոպայի չեմպիոն, Եվրոպական խաղերի ոսկե մեդալակիր Արթուր Դավթյանը, որը որոկավորման փուլում հանդես կգա հուլիսի 24-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.