Ավստրիայի հավաքականի պաշտպան Դավիդ Ալաբան խոսել է Մադրիդի «Ռեալ» տեղափոխության մասին: Օրեր առաջ Մյունխենի «Բավարիայի» նախկին պաշտպանը ներկայացվել էր որպես Արքայական ակումբի ֆուտբոլիստ:
«Բազմաթիվ ֆուտբոլիստներ երազում են այս պահի մասին՝ խաղալ աշխարհի մեծագույն ակումբում: «Ռեալը» միշտ եղել է առաջին տեղում: Երբ եղավ առաջարկ, միանգամից հասկացա, որ ցանկանում եմ տեղափոխվել այստեղ:
Հրաշալի է, որ դարձյալ կաշխատեմ Անչելոտիի հետ: Մենք շատ լավ հարաբերություններ ունեինք «Բավարիայում» աշխատելու տարիներին: Երջանիկ եմ, որ դարձյալ աշխատելու ենք միասին»,- 29-ամյա ֆուտբոլիստը խոսքը մեջբերում է ակումբի մամուլի ծառայությունը:
«Ռեալում» Ալաբան ստացել է 4 համարի մարզաշապիկը, որով վերջին տարիներին մադրիդյան ակումբում խաղում էր ֆրանսիական ՊՍԺ տեղափոխված իսպանացի պաշտպան Սերխիո Ռամոսը: Ավստրիացի ֆուտբոլիստի պայմանագիրն Արքայական ակումբի հետ նախատեսված է մինչև 2026 թվականի ամառ:
Հիշեցնենք, որ 2009 թվականից Ալաբան հանդես էր գալիս Մյունխենի «Բավարիայում», որի հետ պայմանագիրը չերկարաձգեց և ստացել էր ազատ գործակալի կարգավիճակ։ Նա Գերմանիայի 10-ակի չեմպիոն է, 6-ակի գավաթակիր և սուպերգավաթակիր, Չեմպիոնների լիգայի կրկնակի գավաթակիր, Եվրոպայի կրկնակի գավաթակիր, աշխարհի կրկնակի ակումբային չեմպիոն։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։