Տոկիո-2020. Ֆրանսիան մեկնարկեց պարտությամբ, Իսպանիան՝ ոչ ոքիով
13:55 22 հուլիսի, 2021Ճապոնիայի մայրաքաղաք Տոկիոյում ընթացող 32-րդ ամառային Օլիմպիական խաղերի ֆուտբոլի մրցաշարի առաջին տուրում Իսպանիայի հավաքականը գոլազուրկ ոչ ոքի խաղաց Եգիպտոսի թիմի հետ: C խմբի մյուս խաղում կմրցեն Արգենտինայի և Ավստրալիայի հավաքականները:
A խմբում Ֆրանսիայի հավաքականը 1:4 հաշվով անակնկալ պարտություն կրեց մեքսիկացիներից: Ֆրանսիացիների միակ գոլը խփեց մեքսիկական «Տիգրեսի» 35-ամյա հարձակվող Անդրե-Պյեր Ժինյակը: A խմբում ընդգրկված են նաև Ճապոնիայի և Հարավային Աֆրիկայի օլիմպիական հավաքականները:
Հիշեցնենք, որ Օլիմպիական խաղերի ֆուտբոլի մրցաշարին կարող են մասնակցել մինչև 23 տարեկան խաղացողներ: Թիմերում կարող են ընդգրկվել ընդամենը 3 ֆուտբոլիստներ՝ առանց տարիքային սահմանափակման: Տոկիո-2020-ի ֆուտբոլային մրցաշարը մեկնարկել է հուլիսի 21-ին և կավարտվի օգոստոսի 7-ին:
Տոկիո-2020, ֆուտբոլի մրցաշար
A խումբ
Մեքսիկա – Ֆրանսիա՝ 4:1
Ալեքսիս Վեգա, 47, Սեբաստիան Կորդովա, 55, Ուրիել Անտունա, 80, Էդուարդո Ագիրե, 90+1 – Անդրե-Պյեր Ժինյակ, 69
C խումբ
Իսպանիա – Եգիպտոս՝ 0:0
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.