Տոկիո-2020-ում կորոնավիրուսի դեպքերն ավելանում են, երկրներից մեկը հրաժարվել է մասնակցությունից
11:17 22 հուլիսի, 2021Գվինեայի հավաքականը հրաժարվել է մասնակցել Ճապոնիայի մայրաքաղաք Տոկիոյում կայանալիք 32-րդ ամառային Օլիմպիական խաղերին: Երկրի սպորտային ղեկավարությունը նման որոշում է կայացրել կորոնավիրուսով վարակվելու վտանգի պատճառով: Տոկիո-2020-ում Գվինեան պետք է ներկայացնեին 5 մարզիկներ, հայտնում է Guinéenews-ը:
Տոկիո-2020-ում վերջին օրերին գրանցվել է կորոնավիրուսով վարակման 12 նոր դեպք: Ընդհանուր թիվը հասել է 91-ի: Վարակվածներից 52-ը տեղացիներ են, իսկ 39-ը՝ արտասահմանցիներ:
Հիշեցնենք, որ կորոնավիրուսի վարակման տեմպի աճի հետեւանքով Տոկիոյում հուլիսի 12-ից օգոստոսի 8-ը արտակարգ դրության ռեժիմ է։ Կորոնավիրուսի պանդեմիայի պատճառով Տոկիո-2020 Օլիմպիական խաղերը հետաձգվել էին մեկ տարով և կանցկացվեն 2021թ. հուլիսի 23-ից օգոստոսի 8-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։