«Ռոման» հաղթեց, Մխիթարյանը հանդես եկավ մեկնարկային կազմում

«Ռոման» նախապատրաստական փուլի առաջին արտագնա հանդիպումն անցկացրեց Տրիեստում։ Պորտուգալացի Ժոզե Մոուրինյոյի գլխավորած թիմը մրցեց իտալական երրորդ լիգան ներկայացնող «Տրիեստինայի» հետ եւ առավելության հասավ նվազագույն հաշվով։ Միակ գոլը 49-րդ րոպեին խփեց 19-ամյա լեհ կիսապաշտպան Նիկոլա Զալեւսկին։

Հռոմեական թիմի մեկնարկային կազմում էր նաեւ Հայաստանի հավաքականի կիսապաշտպան Հենրիխ Մխիթարյանը, որն անցկացրեց առաջին խաղակեսը։

Նախապատրաստական փուլի առաջին երկու հանդիպումներում «Ռոման» Տրիգորիայում 10։0 հաշվով հաղթել էր «Մոնտեկատինիին», 2։0 հաշվով՝ «Տերնանային»։