Հայ օլիմպիականների ժամանումը Տոկիո (ֆոտո, վիդեո)

22:56   20 հուլիսի, 2021

Տոկիոյի Օլիմպիական խաղերի Հայաստանի պատվիրակության երկրորդ խումբն արդեն ժամանել է օլիմպիական մայրաքաղաք: Վիգեն Խաչատրյանի գլխավորած պատվիրակության խմբում հուլիսի 20-ին Տոկիո են ժամանել Ռիո-2016 օլիմպիական փոխչեմպիոն Սիմոն Մարտիրոսյանը, Եվրոպայի չեմպիոններ Արթուր Դավթյանը, Հովհաննես Բաչկովը, Ֆերդինանդ Կարապետյանը, բռնցքամարտիկները, լողորդները, ծանրորդուհին:

Լողորդուհի Վարսենիկ Մանուչարյանը NEWS.am Sport-ի համար ցույց է տվել , թե ինչպես են օլիմպիականները ժամանում Տոկիո: Խաղերի բացման հանդիսավոր արարողությանը  Վարսենիկ Մանուչարյանը լինելու Հայաստանի դրոշակակիրներից մեկը: Նրա հետ Հայաստանի եռագույնը կտանի նաեւ Եվրոպայի կրկնակի չեմպիոն Հովհաննես Բաչկովը:

Մինչ այս 17 մասնակցից բաղկացած Հայաստանի օլիմպիական հավաքականից Տոկիո էր ժամանել հրաձիգ Էլմիրա Կարապետյանը:

Նշենք, որ հուլիսի 19-ին Տոկիո մեկնած Հայաստանի պատվիրակությունն ամենամեծաթիվն էր: Հաջորդիվ մյուս օլիմպիականները Տոկիո կմեկնեն առանձին-առանձին:

Տոկիո-2020-ում Հայաստանի օլիմպիական հավաքականից առաջինը պայքարի մեջ կմտնի սպորտային մարմնամարզիկ, Եվրոպայի չեմպիոն, Եվրոպական խաղերի չեմպիոն Արթուր Դավթյանը:

Տղամարդկանց որակավորման փուլը տեղի կունենա հուլիսի 24-ին Երեւանի ժամանակով 05:00-ին կամ 09:30-ին:

Լուսինե Շահբազյան



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.