ՉԼ. «Ալաշկերտը» տանը պարտվեց «Շերիֆին»

20:52   20 հուլիսի, 2021

Չեմպիոնների լիգայի որակավորման երկրորդ փուլի առաջին խաղում Հայաստանի չեմպիոն «Ալաշկերտը» Երեւանի Վազգեն Սարգսյանի անվան «Հանրապետական» ստադիոնում մրցեց մոլդովական «Շերիֆի» հետ եւ պարտվեց 0։1 հաշվով։

Միակ գոլը 85–րդ րոպեին խփեց 31–ամյա բրազիլացի հարձակվող Էնրիկե Լուվանորը (Մոլդովա)։

Պատասխան հանդիպումը Տիրասպոլում տեղի կունենա հուլիսի 28–ին եւ կմեկնարկի Երեւանի ժամանակով 21։00–ին։

Հիշեցնենք, որ Չեմպիոնների լիգայի որակավորման առաջին փուլում «Ալաշկերտը» 2 խաղերի արդյունքում հաղթել էր Ուելսի չեմպիոն «Կոնաս Կի Նոմադսին» (2:2, 1:0), իսկ «Շերիֆը» պայքարից դուրս էր թողել ալբանական «Տեուտային» (4:0, 1:0):

ՈւԵՖԱ–ն այս մրցաշրջանից չեղարկել է արտագնա խաղում խփած գոլի առավելությունը։

«Ալաշկերտը» «Շերիֆի» արգելքը հաղթահարելու դեպքում կմրցի «Կայրաթ» (Ղազախստան) - «Ցրվենա Զվեզդա» (Սերբիա) զույգի հաղթողի հետ:

Չեմպիոնների լիգա, որակավորման երկրորդ փուլ, առաջին խաղ

«Ալաշկերտ» (Հայաստան) – «Շերիֆ» (Մոլդովա)՝ 0։1

Էնրիկե Լուվանոր, 85



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։