Տոկիո-2020. Ճապոնիայում հայտնաբերել են փախուստի դիմած աֆրիկացի մարզիկին
17:15 20 հուլիսի, 202132-րդ ամառային Օլիմպիական խաղերի մասնակցության համար Ճապոնիայի մայրաքաղաք Տոկիո ժամանած և փախուստի դիմած ուգանդացի ծանրորդ Ջուլիուս Սեկիտոլեկոյին հայտնաբերել են Միե պրեֆեկտությունում, հաղորդում է Kyodo-ն:
Օլիմպիական թիմի կազմում Տոկիո ժամանելուց հետո 20-ամյա մարզիկը նամակ էր թողել իր սենյակում ու անհետացել: Նամակում նա հայտնել էր, որ ծանր կյանքի պատճառով չի ցանկանում վերադառնալ Ուգանդա: Սեկիտոլեկոն խնդրել էր, որ իր իրերը փոխանցեն հայրենիքում գտնվող կնոջը:
Օլիմպիական ավանում մարզիկի բացակայությունը նկատել էին այն ժամանակ, երբ եղել էր կորոնավիրուսի թեստ հանձնելու անհրաժեշտություն: Ավելի ուշ հայտնի էր դարձել, որ նա արագընթաց գնացքի տոմս է գնել Ճապոնիայում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։