ММА-ի չեմպիոնը մահացել է ավտոպատահարի հետևանքով
13:22 20 հուլիսի, 2021Ծանր քաշային կարգում խառը մենամարտերի (ММА) աշխարհի չեմպիոն Մուրոդ Խանտուրաևը մահացել է ճանապարհատրանսպորտային պատահարի հետևանքով, հաղորդում է «Вестник Кавказа»-ն:
Դժբախտ պատահարը տեղի է ունեցել հուլիսի 19-ին Ուզբեկստանի մայրաքաղաք Տաշկենտում: Ուզբեկ 34-ամյա մարզիկը կորցրել է ավտոմեքենայի կառավարումը և իր BMW X5-ով բախվել այլ մեքենայի: Խանտուրաևը տեղում մահացել է, իսկ նրա մեքենայի մեջ գտնվող մյուս ուղևորը վնասվածքներով հոսպիտալացվել է:
Մուրոդ Խանտուրաևը պրոֆեսիոնալ մարտիկի կարիերան սկսել էր 2013 թվականին: 2018-ին մարտիկին ծեծի էին ենթարկել, ինչից հետո նա ավարտել էր կարիերան: MMA-ում նա անցկացրել է 12 մենամարտ ու տարել 10 հաղթանակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.