ՉԼ․ «Ալաշկերտը» լրացուցիչ ժամանակում հաղթեց «Կոնաս Կի Նոմադսին» (ֆոտո)

21:34   14 հուլիսի, 2021

Հայաստանի չեմպիոն «Ալաշկերտը» դուրս եկավ Չեմպիոնների լիգայի որակավորման երկրորդ փուլ։

Ուելսի «Կոնաս Կի Նոմադսի» հետ պատասխան խաղում երեւանյան թիմը տանը հաղթանակ տարավ 1։0 հաշվով։

Լրացուցիչ ժամանակում գոլի հեղինակ դարձավ 28-ամյա ֆրանսիացի կիսապաշտպան Վենսան Բեզեկուրը։

Հանդիպմանը ներկա էր նաեւ Հայաստանում Մեծ Բրիտանիայի դեսպան Ջոն Պատրիկ Գալագերը։

Հիշեցնենք, որ Ուելսում տեղի ունեցած առաջին խաղում գրանցվել էր ոչ ոքի՝ 2։2։ Պատասխան խաղում հավասար հաշվի դեպքում՝ նշանակվում է լրացուցիչ ժամանակ։ ՈւԵՖԱ-ն այս մրցաշրջանից չեղարկել է արտագնա խաղում խփած գոլի առավելությունը։

«Ալաշկերտը» երկրորդ փուլում կմրցի Մոլդովայի «Շերիֆի» հետ, որը պայքարից դուրս է թողել ալբանական «Տեուային» (4։0, 1։0)։

Չեմպիոնների լիգա, որակավորման առաջին փուլ, պատասխան խաղ

«Ալաշկերտ» (Հայաստան) «Կոնաս Կի Նոմադս» (Ուելս)՝ 1։0 (հիմնական ժամանակ՝ 0։0), (առաջին խաղ՝ 2։2)

Վենսան Բեզեկուր, 113



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։