Չեմպիոնների լիգայի որակավորման առաջին փուլի պատասխան խաղը Հայաստանի չեմպիոն «Ալաշկերտի» եւ Ուելսի «Կոնաս Կի Նոմադսի» միջեւ կշարունակվի լրացուցիչ ժամանակում։
Երեւանի Վազգեն Սարգսյանի անվան «Հանրապետական» ստադիոնում ընթացող հանդիպման հիմնական ժամանակում դարպասի գրավում չգրանցվեց։
Հանդիպմանը ներկա է նաեւ Հայաստանում Մեծ Բրիտանիայի դեսպան Ջոն Պատրիկ Գալագերը։
«Ալաշկերտ»․ Դավիթ Յուրչենկո, Ջեյմս, Դիդիե Կադիո, Տիագո Կամետա, Տարոն Ոսկանյան, Դավիթ Դավիդյան, Դավիդ Խուրցիձե, Արտակ Եդիգարյան, Արտակ Գրիգորյան, Ժոզե Էմբալո, Ալեքսանդր Գլիշիչ։
The teams are out - here we go!
— Connah's Quay Nomads FC (@the_nomads) July 14, 2021
0-0 (Agg 2-2) #UCL pic.twitter.com/Ankfcjsf6Q
Հիշեցնենք, որ Ուելսում տեղի ունեցած առաջին խաղում գրանցվել է ոչ ոքի՝ 2։2։ Պատասխան խաղում հավասար հաշվի դեպքում՝ նշանակվում է լրացուցիչ ժամանակ։ ՈւԵՖԱ-ն այս մրցաշրջանից չեղարկել է արտագնա խաղում խփած գոլի առավելությունը։
«Կոնաս Կի Նոմադսի» արգելքը հաղթահարելու դեպքում՝ «Ալաշկերտը» երկրորդ փուլում կմրցի Մոլդովայի «Շերիֆի» հետ, որը պայքարից դուրս է թողել ալբանական «Տեուային» (4։0, 1։0)։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։