«Աթլետիկոն» 5 տարվա պայմանագիր կնքեց Արգենտինայի հավաքականի ֆուտբոլիստի հետ

22:07   12 հուլիսի, 2021

Արգենտինայի հավաքականի կիսապաշտպան Ռոդրիգո Դե Պաուլն իտալական «Ուդինեզեից» տեղափոխվեց Մադրիդի «Աթլետիկո», հաղորդում է Իսպանիայի չեմպիոնների մամուլի ծառայությունը։

Արգենտինացի Դիեգո Սիմեոնեի գլխավորած թիմի հետ նրա պայմանագիրը նախատեսված է մինչեւ 2026 թվականը։ 27–ամյա ֆուտբոլիստն արդեն բուժզննում է անցել «Աթլետիկոյում»։

Դե Պաուլն անցած մրցաշրջանում «Ուդինեզեի» հետ անցկացրել է 38 հանդիպում, խփել 9 գոլ, կատարել 11 գոլային փոխանցում։

Դե Պաուլը Արգենտինայի հավաքականի հետ նվաճեց Բրազիլիայում անցկացված Ամերիկայի գավաթի խաղարկության հաղթողի կոչումը։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։