Հայաստանի Մ–20 հավաքականը Երեւանում կմրցի Հունաստանի, Շվեյցարիայի, Ուկրաինայի և Ալբանիայի հետ
23:52 12 հուլիսի, 2021Բասկետբոլի կանանց մինչև 20 տարեկանների Եվրոպայի առաջնության չելենջ-մրցաշարի D ենթախմբի հանդիպումները կանցկացվեն Երեւանում հուլիսի 13-18-ը։ Նախկին «Միկա» մարզապալատում Հայաստանի հավաքականը կմրցի Հունաստանի, Շվեյցարիայի, Ուկրաինայի և Ալբանիայի թիմերի հետ:
Աս տարի Եվրոպայի առաջնության անցկացման ձևաչափը փոխվել է։ Հայաստանի հավաքականը պետք է հանդես գար B դիվիզիոնում, սակայն առկա համաճարակի պատճառով որոշվել է առաջնությունն անցկացնել չելենջ-մրցաշարերի տեսքով՝ 5-6 թիմերից բաղկացած խմբերում, հաղորդում է ՀԱՕԿ լրատվականը։
Հայաստանի թիմի առաջին մրցակիցը հուլիսի 13–ին կլինի Շվեյցարիայի թիմը: Հանդիպումը կմեկնարկի 19։00–ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։