Եվրո-2020-ի եզրափակիչում Իտալիայի հավաքականը հետխաղային 11 մետրանոցներով հաղթեց Անգլիային։ Հիմնական եւ լրացուցիչ ժամանակն ավարտվեց ոչ ոքի՝ 1։1։
Լոնդոնի «Ուեմբլի» ստադիոնում անցկացված հանդիպումից առաջ տեղի ունեցավ Եվրոպայի առաջնության հանդիսավոր արարողությունը։
Closing (ceremony) in style at Wembley Stadium! #EUROCeremonies | @vivo_europe pic.twitter.com/MtnsWvUVeC
— UEFA EURO 2020 (@EURO2020) July 11, 2021
Հանդիպման արդեն երկրորդ րոպեին անգլիացիներիը բացեցին հաշիվը։ Արագ գրոհից հետո ՊՍԺ-ի 22-ամյա խաղացող Ջանլուիջի Դոնարումայի պաշտպանած դարպասը գրավեց «Մանչեսթեր Յունայթեդի» 25-ամյա պաշտպան Լյուկ Շոուն, որն օգտագործեց Մադրիդի «Աթլետիկոյի» 30-ամյա պաշտպան Կիրան Տրիպիեի փոխանցումը։
Լյուկ Շոուի գոլն ամենաարագն է Եվրոպայի առաջնությունների եզրափակիչներում։ Անգլիայի հավաքականին 1 րոպե եւ 56 վայրկյան պահանջվեց գոլ խփելու համար։
Առաջին խաղակեսում տարածքային առավելություն ուներ Իտալիայի թիմը, որը գնդակին տիրեց ժամանակի 62 տոկոսը, սակայն սուր պահեր ստեղծել չկարողացավ։ Անգլիայի թիմը եւս Շոուի հարվածից բացի, այլ հարված մրցակցի դարպասին չկատարեց։
Ընդմիջումից հետո իտալացիների խաղացողներ, «Նապոլիի» 30-ամյա հարձակվող Լորենցո Ինսինիեի եւ Թուրինի «Յուվենտուսի» 23-ամյա հարձակվող Ֆեդերիկո Կիեզայի հարվածներից հետո երեք սեյվի հեղինակ դարձավ «Էվերտոնի» 27-ամյա դարպասապահ Ջորդան Պիկֆորդը։
67-րդ րոպեին իտալացիներից պատասխան գոլը խփեց Թուրինի «Յուվենտուսի» պաշտպան Լեոնարդո Բոնուչին։ Նա Եվրոպայի առաջնությունների եզրափակիչներում գոլ խփած ամենատարեց ֆուտբոլիստն է՝ 34 տարեկան եւ 71 օրական։
Հիմնական ժամանակում Իտալիան 5 հարված կատարեց մրցակցի դարպասին, Անգլիան՝ 1 անգամ։
Bonucci bundles home Azzurri equaliser #EURO2020 | #ITA pic.twitter.com/yH63qZOgJQ
— UEFA EURO 2020 (@EURO2020) July 11, 2021
Леонардо Бонуччи #ЕВРО2020 pic.twitter.com/szP8mT5VOH
— УЕФА (@UEFAcom_ru) July 11, 2021
Seconds before Leonardo Bonucci became the oldest player to score in a EURO final (34 years, 71 days) #EURO2020 | #ITA https://t.co/3FKTqPv1AV pic.twitter.com/0INcZdb6Wy
— UEFA EURO 2020 (@EURO2020) July 11, 2021
Fastest goal ever in a EURO final (1 minute, 57 seconds)
— UEFA EURO 2020 (@EURO2020) July 11, 2021
Luke Shaw#EURO2020 | #ENG pic.twitter.com/FSEqkNwBk7
Italy versus England: who's on top?#EURO2020 pic.twitter.com/o9puLPB69x
— UEFA EURO 2020 (@EURO2020) July 11, 2021
Նշանակվեց լրացուցիչ ժամանակ, որի ժամանակ թիմերը չկարողացան գոլ խփել։ Եւ պատմության մեջ երկրորդ անգամ Եվրոպայի առաջնությունների եզրափակիչում նշանակվեց 11 մետրանոցներ, որոնք ավելի հաջող իրացրին իտալացիները։
«Սասուոլոյի» 26-ամյա հարձակվող Դոմենիկո Բեռարդին առաջին հարվածեց եւ գրավեց դարպասը։ Լոնդոնի «Տոտենհեմի» 27-ամյա հարձակվող Հարի Քեյնը եւս չվրիպեց։ «Տորինոյի» 27-ամյա հարձակվող Անդրեա Բելոտիի հարվածից հետո Պիկֆորդը հետ մղեց։ «Մանչեսթեր Յունայթեդի» 28-ամյա պաշտպան Հարի Մագուայրն առաջ մղեց անգլիացիներին։ Լեոնարդո Բոնուչին արդյունավետ իրացրեց իր հարվածը։ «Մանչեսթեր Յունայթեդի» 23-ամյա հարձակվող Մարկուս Ռեշֆորդը հարվածեց ուղղահայաց դարպասաձողին եւ հավասարությունը վերականգնվեց։ «Յուվենտուսի» 27-ամյա հարձակվող Ֆեդերիկո Բեռնարդեսկին հստակ կատարեց իր մոտեցումը։ «Մանչեսթեր Յունայթեդի» 21-ամյա նորեկ Ջեյդոն Սանչոյի հարվածից հետո սեյվի հեղինակ դարձավ Դոնարուման։
Ռեշֆորդն ու Սանչոն լրացուցիչ ժամանակի վերջում էին դուրս եկել փոխարինման։ Լոնդոնի «Չելսիի» 29-ամյա կիսապաշտպան Ժորժինյոն թույլ հարվածեց եւ Պիկֆորդը փրկեց դրությունը՝ որսալով ուղղահայաց դարպասաձողից հետ եկած գնդակը։
«Արսենալի» 19-ամյա կիսապաշտպան Բուկայո Սակայի հարվածից հետո Դոնարուման դարձյալ հետ մղեց, եւ Իտալիան երկրորդ անգամ դարձավ Եվրոպայի չեմպիոն՝ 1968 թվականից հետո։
Իտալիայի հավաքականը պատմության մեջ չորրորդ անգամ խաղաց Եվրոպայի առաջնության եզրափակիչում, իսկ անգլիացիներն առաջին անգամ էին հասել եզրափակիչ:
It's coming Rome! #VivoAzzurro #EURO2020 #ITA #ITAENG pic.twitter.com/MOavUtsweQ
— Italy (@azzurri) July 11, 2021
«Ուեմբլիում» եզրափակիչին հետեւց 67 հազար հանդիսական։ Գլխավոր մրցավարը հոլանդացի Բյորն Կույպերսն էր։
Եվրո-2020, եզրափակիչ, Լոնդոն
Իտալիա - Անգլիա՝ 1։1, 11մ՝ 3։2 (հիմնական ժամանակ՝ 1։1), (տեսանյութ)
Լեոնարդո Բոնուչի, 67 - Լյուկ Շոու, 2
LUKE SHAW IN THE #EURO2020 FINAL FOR #ENG pic.twitter.com/ifiOZ3BWiU
— Goal (@goal) July 11, 2021
SCENES!
— SportsCenter (@SportsCenter) July 11, 2021
England take the lead vs. Italy only minutes in #ENG #euro2020 pic.twitter.com/fiTX7qDRH5
WOW!
— UEFA EURO 2020 (@EURO2020) July 11, 2021
Kieran Trippier and Luke Shaw combine to fire England ahead #EURO2020 | #ENG pic.twitter.com/3mf98T5Gai
Time for heroes #EURO2020 pic.twitter.com/X2lz6LxdLc
— UEFA EURO 2020 (@EURO2020) July 11, 2021
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։