Իտալիա - Անգլիա․ Բուքմեյքերների կանխատեսումը
10:10 11 հուլիսի, 2021Ֆուտբոլի Եվրոպայի առաջնության եզրափակիչում հուլիսի 11-ին կմրցեն Իտալիայի եւ Անգլիայի հավաքականները։
Լոնդոնի «Ուեմբլի» ստադիոնում անցկացվելիք Եվրո-2020-ի վճռական խաղում բուքմեյքերները նախապատվությունը տալիս են անգլիացիներին։
Գարեթ Սաութգեյթի գլխավորած թիմի չեմպիոնության գործակիցը 1․80 է, Ռոբերտո Մանչինիի գլխավորած Իտալիայի թիմի չեմպիոնությունը գնահատվում է 2․05 գործակցով։
Հիմնական ժամանակում Իտալիայի հավաքականի հաղթանակի գործակիցը 3․10 է, Անգլիայի հաղթանակը՝ 2․60, ոչ ոքին՝ 2․90։
Եզրափակիչի գլխավոր մրցավարը կլինի հոլանդացի Բյորն Կեյպերսը, որին եզրերում կօգնեն հոլանդացիներ Սանդեր վան Ռուկելը և Էրվին Զեյնստրան: Չորրորդ պաշտոնյան իսպանացի Կարլոս դել Սերոն է: Եվրո-2020-ում 48-ամյա Բյորն Կույպերսը սպասարկել է 4 հանդիպում:
Պաշտոնական հանդիպումներում Իտալիան ունի ահռելի առավելություն Անգլիայի նկատմամբ․ 5 հաղթանակ, 1 պարտություն, 2 ոչ ոքի։
Իտալացիները անգլիացիներին պաշտոնական հանդիպումներում չեն պարտվել 1977 թվականից՝ 6 հանդիպում։
Նախորդ անգամ թիմերը պաշտոնական խաղում հանդիպել են 2014թ․ աշխարհի առաջնության եզրափակիչ մրցաշարի խմբային փուլում։ 2։1 հաշվով առավելության են հասել իտալացիները։
1968թ. Եվրոպայի չեմպիոն Իտալիայի հավաքականը պատմության մեջ չորրորդ անգամ կխաղա Եվրոպայի առաջնության եզրափակիչում, իսկ անգլիացիներն առաջին անգամ են նվաճել եզրափակիչի ուղեգիր:
Իտալիա - Անգլիա եզրափակիչը կմեկնարկի Երեւանի ժամանակով 23։00-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.