Քոնոր Մաքգրեգորը 10 միլիոն եվրո կստանա Պորիեի դեմ մենամարտից
15:28 10 հուլիսի, 2021UFC-ի 2 քաշային կարգերում նախկին չեմպիոն Քոնոր Մաքգրեգորը 3 միլիոն եվրո կստանա ամերիկացի թեթև քաշային Դասթին Պորիեի դեմ մենամարտի համար, հաղորդում է Sporting Free-ն:
Դասթին Պորիեն մենամարտից կստանա 1 միլիոն եվրո: 32-ամյա իռլանդացի մարտիկին նաև բաժին կհասնի հեռարձակումներից ստացված եկամուտի 60 տոկոսը:
Մաքգրեգորի ընդհանուր հոնորարը կկազմի 10 միլիոն եվրո, իսկ Պորիեինը՝ 3 միլիոն:
Հիշեցնենք, որ Քոնոր Մաքգրեգորի և Դասթին Պորիեի միջև երրորդ մենամարտը տեղի կունենա Լաս Վեգասում հուլիսի 10-ին կայանալիք UFC 264 մրցաշարում: Հունվարի 24-ին Աբու Դաբիի «Մարտական կղզում» անցկացված UFC 257 մրցաշարում 32-ամյա Պորիեն երկրորդ ռաունդում նոկաուտով հաղթել էր իռլանդացի մարտիկին:
Մաքգրեգորը և Պորիեն հանդիպել են նաև 2014-ի սեպտեմբերի 27-ին, երբ իռլանդացին հաղթել է տեխնիկական նոկաուտով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։