Ֆիլ Ֆոդեն. Ոչինչ չի կարող համեմատվել հավաքականում նվաճած տիտղոսի հետ

18:11   9 հուլիսի, 2021

Անգլիայի հավաքականի եւ «Մանչեսթեր Սիթիի» կիսապաշտպան Ֆիլ Ֆոդենը խոսել է իր սպասելիքներից Իտալիայի հետ Եվրո–2020–ի եզրափակիչից։

«Շատ հույզեր կլինեն ֆանատներից։ Մենք պետք է լինենք գերկենտրոնացած եւ եզրափակիչն ընդունենք այնպես, ինչպես մրցաշարի առաջին հանդիպումը։ Չեմ կարծում, որ պետք է որեւէ բան փոխել, քանի որ մենք լավ ենք հանդես եկել մեր բոլոր հանդիպումներում։

Հույս ունեմ, որ մենք կկարողանանք հաղթել։ Ոչինչ չի կարող համեմատվել հավաքականում նվաճած տիտղոսի հետ։ Հույս ունեմ, որ այս եզրափակիչը կլինի իմ կարիերայում հպարտության գլխավոր պահը»,– Ֆոդենի խոսքը մեջբերում է BBC–ն։

Իտալիա – Անգլիա եզրափակիչը տեղի կունենա հուլիսի 11–ին Լոնդոնի «Ուեմբլի» ստադիոնում եւ կմեկնարկի Երեւանի ժամանակով 23։00–ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։