ՈւԵՖԱ-ի Կոնֆերենցիաների լիգայի որակավորման առաջին փուլի առաջին խաղում Հայաստանի առաջնության բրոնզե մեդալակիր Երեւանի «Ուրարտուն» հյուրընկալվեց Սլովենիայի 15-ակի չեմպիոն «Մարիբորին» եւ պարտություն կրեց նվազագույն հաշվով։
Միակ գոլը 56-րդ րոպեին խփեց դաշտի տերերի 21-ամյա սլովենացի կիսապաշտպան Նինո Ժուգելը։
Պատասխան հանդիպումը Երեւանում կանցկացվի հուլիսի 15-ին: Այս դիմակայության հաղթողը երկրորդ փուլում կհանդիպի Շվեդիայի գավաթակիր «Համարբյուի» հետ։
Սլովենիայի ավարտված առաջնությունում «Մարիբորը» գրավել է երկրորդ տեղը՝ հավասար միավորներ հավաքելով չեմպիոնի կոչումը նվաճած «Մուրայի» հետ:
Կոնֆերենցիաների լիգա, որակավորման առաջին փուլ, առաջին խաղ
«Մարիբոր» (Սլովենիա) - «Ուրարտու» (Հայաստան)՝ 1։0
Նինո Ժուգել, 56
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։