Սաութգեյթ. Դանիային շատ են թերագնահատում, նրանք մեծ խնդիրներ առաջացրին մեզ համար
14:42 8 հուլիսի, 2021Անգլիայի հավաքականի գլխավոր մարզիչ Գարեթ Սաութգեյթը Եվրո-2020-ի կիսաեզրափակիչի խաղում դանիացիների նկատմամբ հաղթանակից հետո կիսվել է տպավորություններով:
«Զգում էի, որ մեզ մոտ կստացվի, բայց գիտեի, որ չի լինի այնպես, ինչպես նախորդ խաղերում: Դանիայի հավաքականին շատ են թերագնահատում, իսկ նրանք մեծ խնդիրներ առաջացրին մեզ համար:
Ինչ վերաբերում է Հարի Քեյնի իրացրած 11 մետրանոցին, ապա նրան դիմակայում էր մեծագույն դարպասապահ: Ի ուրախություն մեզ, ամեն բան հաջողությամբ ավարտվեց: Ես չտեսա 11 մետրանոցի դրվագը և չգիտեմ, թե ինչպես ամեն բան տեղի ունեցավ: Կա VAR համակարգ, այդ պատճառով ենթադրում եմ, որ նրանք ստուգեցին ու հաստատեցին մրցավարի որոշումը:
Շատ ուրախ ենք եզրափակիչ դուրս գալու առթիվ, սակայն առջևում կա ևս մեկ լուրջ փորձություն: Իտալիան շատ ուժեղ թիմ է: Նրանք անհավանական մարզավիճակում են: Կլինի շատ հետաքրքիր հանդիպում»,- անգլիացի մարզիչի խոսքը մեջբերում է ՈւԵՖԱ-ի մամուլի ծառայությունը:
Հիշեցնենք, որ Լոնդոնի «Ուեմբլի» ստադիոնում տեղի ունեցած խաղում Անգլիայի հավաքականը լրացուցիչ ժամանակում հաղթել էր 2:1 հաշվով և պատմության մեջ առաջին անգամ դուրս եկել Եվրոպայի առաջնության եզրափակիչ: Հուլիսի 11-ին «Ուեմբլիում» կայանալիք եզրափակիչում անգլիացիների մրցակիցը կլինի Իտալիայի հավաքականը, որը կիսաեզրափակիչում հետխաղյա 11 մետրանոցներով հաղթել էր իսպանացիներին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.