Անգլիացի երկրպագուները 11 մետրանոցի ժամանակ լազերային լույսով փորձել են խանգարել Շմեյխելին (ֆոտո)

Եվրո-2020-ի կիսաեզրափակիչի խաղում անգլիացի երկրպագուները Դանիայի հավաքականի դարպասապահ Կասպեր Շմեյխելին փորձել են խանգարել Անգլիայի հավաքականի ավագ Հարի Քեյնի իրացրած 11 մետրանոցի ժամանակ: Ֆանատները լազերային լույս են գցել «Լեսթերի» դարպասապահի դեմքին:

Չնայած դրան՝ Շմեյխելը հետ էր մղել Լոնդոնի «Տոտենհեմի» հարձակվողի հարվածը, սակայն Քեյնը երկրորդ փորձից գրավել էր դարպասը և հաղթանակ պարգևել անգլիացիներին:

Հիշեցնենք, որ Անգլիայի հավաքականը լրացուցիչ ժամանակում հաղթել էր 2:1 հաշվով և պատմության մեջ առաջին անգամ դուրս եկել Եվրոպայի առաջնության եզրափակիչ: Հուլիսի 11-ին «Ուեմբլիում» կայանալիք եզրափակիչում անգլիացիների մրցակիցը կլինի Իտալիայի հավաքականը, որը կիսաեզրափակիչում հետխաղյա 11 մետրանոցներով հաղթել էր իսպանացիներին:

Unbelievable.

Someone in the crowd was pointing a laser into Schmeichel's eyes as he was trying to save the penalty Sterling dived for.

Horrible look for England this.

Disgraceful.#EURO2020 pic.twitter.com/LEusViVtMC

— JAKE BUCKLEY  (@TheMasterBucks) July 7, 2021