Եվրո-2020․ Անգլիան ու Դանիան հիմնական ժամանակում հաղթողին չպարզեցին (ֆոտո)

00:53   8 հուլիսի, 2021

Եվրո-2020-ի կիսաեզրափակիչում մրցում են Անգլիայի եւ Դանիայի հավաքականները։ Լոնդոնի «Ուեմբլի» ստադիոնում ընթացող դիմակայության հիմնական ժամանակից հետո հաշիվը հավասար է՝ 1։1։

Առաջինը հաջողության հասան դանիացիները։ 30-րդ րոպեին տուգանայինից կատարած հարվածով գեղեցիկ գոլի հեղինակ դարձավ իտալական «Սամպդորիայի» 21-ամյա կիսապաշտպան Միկել Դամսգորը։

39-րդ րոպեին Անգլիան վերականգնեց հավասարությունը։ «Մանչեսթեր Սիթիի» հարձակվող Ռահիմ Ստերլինգի հարվածը կանխելիս սեփական դարպասը գրավեց դանիացիների պաշտպան, իտալական «Միլանի» 32-ամյա խաղացող Սիմոն Կյաերը։

Նշանակվել է լրացուցիչ ժամանակ։

Հուլիսի 11-ին «Ուեմբլիում» անցկացվելիք եզրափակիչում այս զույգի հաղթողին սպասում է Իտալիայի հավաքականը, որը կիսաեզրափակիչում հետխաղյա 11 մետրանոցներով հաղթել էր իսպանացիներին:

Եվրո-2020, կիսաեզրափակիչ

Անգլիա - Դանիա՝ 1։1 (Լոնդոն)

Սիմոն Կյաեր, 39, ինքնագոլ - Միկել Դամսգոր, 30



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.